Керчь проливын учырoZIqGg w Hoqgf rP9AaY
Керчь проливын учыр — Россия но Украина куспын 25-тӥ шуркынмонэ 2018-тӥ арын луэм зарезь ож. Со нуналэ Украинаысь ВМС-лэн корабльёсыз Сьӧд зарезьысь Азов зарезе выжыны турттӥзы. Керчь пролив ёрсын соосыз дугдытӥз Россиысь танкер, оккупационной властен лэсьтэм керчь выж улын сюресэз асэныз пытсаса. Собере украин корабльёс вылэ урдӥськизы Россиысь ВМФ-лэн но Ярдур охраналэн кужымъёссы — «Яны Капу» буксир таранэн вазгатэмын вал, но 12 миляем зоналэсь палэнын украин артиллерийской келясь катеръёс ыбылэмын вал.
Вань куинь украин судноосты ӟучъёс басьтӥзы. Пленэ шедизы 24 украин морякъёс, соос пӧлын 6 сӧсыртэмъёс.
Украинаын со нуналэ ик ожгар югдурез тупатон сярысь кенешыны СНБО-лэсь заседанизэ туж ӝог ӧтизы. Ожгар югдурез 30 нуналлы ялон пумысен решение 26-тӥ шуркынмонэ юнматэмын вал.
Пуштрос
- 1 Инцидентэ пыриськемъёс
- 1.1 Россия
- 1.2 Украина
- 2 Калыккуспо реакция
Инцидентэ пыриськемъёс[Тупатыны | вики-текстэз тупатыны]
Россия[Тупатыны | вики-текстэз тупатыны]
- «Вице-адмирал Захарьин» тральщик
- «Суздалец» пичи противолодочной корабль
- «Дон» пограничной возьман корабль
- «Изумруд» пограничной возьман корабль
- 2 артиллерийской катер
- Пограничной возьман катеръёслэн тодмотэм лыдзы
- Патрульной катер
- 2 Су-25 штурмовик
- 39-тӥ вертолёт полклэн 2 Ка-52 разведывательно-ударной вертолётэз
Украина[Тупатыны | вики-текстэз тупатыны]
- «Бердянск» пичи бронированной артиллерийской катер
- «Никополь» пичи бронированной артиллерийской катер
- «Яны-Капу» рейдовой буксир
Калыккуспо реакция[Тупатыны | вики-текстэз тупатыны]
Евросоюзысь но НАТО-ысь кунъёс, Европалэн Кенешезлэн парламент ассамблеяез Россилэсь инцидент дыръя агресси каронъёссэ зол куркаризы. Россилэсь куризы-косӥзы Керчь проливын судоходстволы эрик берен сётыны, киултэм корабльёсты но экипажъёссэс мозмытыны. Украин корабльёсты ӝегатонэ пыриськисьёс ласянь санкциос бӧрысь тупатэмын вал.
Огазеяськем Нациослэн Организацизылэн Генеральной Ассамблеяез 17-тӥ толсуре тэргаз «Россилэсь Украиналы пумит кужымез зэматымтэ уже кутонзэ» но ӧтиз «кыл вератэк но ӝегатскытэк судноосты, экипажъёссэс но оборудованизэс эрике лэзьыны», озьы ик Украиналэсь Сьӧд но Азов зарезьёс вылтӥ но Керчь проливын эрико навигацизэ могӟытъямысь дугдыны.
Эстонилэн Президентэз Керсти Кальюлайд дуннелэсь куриз украин корабльёсты ыбылонэз Европаын война шуыса лыдъяны.
Ee P FW9AZR Nn e12234AaGb t U QqSs MmB X9o0h Iyu8zb