Joesmvg

Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.

Premier is de titel veur inne regieringsleider dae gein sjtaatshouf is. 't Is Frans veur 'iejsjte', vaak weurt auch 'iejsjte minister' gezag.

Veurbeelde[bewirk | brón bewèrke]

Nederland[bewirk | brón bewèrke]

In Nederland weurt de regeringsleider of iejsjte minister aangedoed mit de term minister-president.

Belsj[bewirk | brón bewèrke]

Op 't Belsj weurt de federale regeringsleider, op dit mement Charles Michel, iejsjte minister of premier genump. De regeringsleiders van de gemeinsjaps- en gewesregieringe weure aangedoed mit de term minister-president.

Duitsland[bewirk | brón bewèrke]

In Duitsland weurt de benaoming premier neet gebruuk. In de praktiek heet de kanselier evels dezelfde verantweurdelekhede.

Fraankriek[bewirk | brón bewèrke]

In Fraankriek heet de premier dezelfde verantwoordelekhede es in Nederland en Belsj. Evels gief 't hei 'ne president dee väöl polletieke verantwoordelekhede heet dee 'ne keuning allewijl neet mie heet. 't Feit tot de premier in keuninkrieke dèks de aw verantwoordelekhede vaan de keuning euvernump besteit dus neet in Fraankriek. In vergelieking mèt de keuninkrieke, heet de Franse premier dus aonzeenlek minder aonzien en minder verantwoordelekhede. Dees positie is typisch veur len boe de president werkeleke mach heet (neet symbolische mach, wie in Duitsland). Vergeliekbare systeme bestoon in Rusland en, sinds kort, in Törkije.

Minister-president[bewirk | brón bewèrke]

'ne Minister-president weurt euver 't algemein besjouwd es synoniem vaan premier. Evels weurt de naom minister-president gebruuk in monarchieë. In de konteks vaan dit soort len, wie Nederland, Belsj en 't Vereineg Keuninkriek, weurt 'ne minister geach deender vaan de keuning te zien, en 't gief dao 'ne president dee verantwoordelek is veur die deenders. 'ne Minister-president is daomèt lètterlek de minister dee de vergaderinge vaan de gezameleke ministers leit.