Յակոբ Եափուճեան67 a J0oryBb yia# Eer 8h M JjFf 15gSX RXn5JjW
| Ծնած է | 24 Ապրիլ, 1945 |
|---|---|
| Ծննդավայր | Պէյրութ, Լիբանան |
| Վախճանած է | 3 Փետրուար, 2018 |
| Վախճանի վայրը | Պէյրութ, Լիբանան |
| Քաղաքացիութիւն | Լիբանան |
| Կրօնք | Առաքելական |
| Կարողութիւն | ՀՅԴ Զաւարեան Ուսանողական Միութեան մէջ վարած է պատասխանատու պաշտօններ |
| Մասնագիտութիւն | հաշուապահութիւն-տնտեսութիւն |
| Աշխատավայր | ՀՅԴ Բիւրոյի հաշուապահական-տնտեսական հարցերու խորհրդատու, Համազգայինի Հիմնադրամներու կառոյցի մարմինի ատենապետ |
Յակոբ Եափուճեան ծնած է 24 Ապրիլլ, 1945-ին, Պէյրութի մէջ: Իր մահկանացուն կնքեց 3 Փետրուար, 2018-ին Պէյրութ, Լիբանան: Ազգային-կուսակցական գործիչ:ՀՅԴ «Աղբալեան» կոմիտէի անդամ:
Բովանդակութիւն
- 1 Կենսագրութիւն
- 2 Միութենական գործունէութիւն
- 3 Համազգային Հայ Կրթական եւ Մշակութային Միութեան գործունէութիւն
- 4 Մեծի Տանն Կիլիկիոյ կաթողիկոսութեան եւ Ազգային կեդրոնական վարչութեան անդամական աշխատանքներ
- 5 Արամ Ա. Կաթողիկոս Յակոբ Եափուճեանը Յետ Մահու Կը Պարգեւատրէ «Ս. Մեսրոպ Մաշտոց» Շքանշանով
- 6 Աղբիւրներ
- 7 Ծանօթագրութիւններ
Կենսագրութիւն[Խմբագրել | Խմբագրել աղբիւրը]
Յակոբ Եափուճեան ծնած է 24 Ապրիլ, 1945-ին, Պէյրութի մէջ: Շրջանաւարտ է Համազգայինի «Նշան Փալանճեան» Ճեմարանէն: Աւարտած է Սեն Ժոզէֆ համալսարանի հաշուապահութիւն-տնտեսութիւն բաժինը: Փոքր տարիքէն եղած է ՀՄԸՄ-ի սկաուտական շարքերուն մէջ: Ուսանողական տարիներուն Զաւարեան Աշակերտական Միութեան եւ ՀՅԴ Զաւարեան Ուսանողական Միութեան մէջ վարած է պատասխանատու պաշտօններ:
Միութենական գործունէութիւն[Խմբագրել | Խմբագրել աղբիւրը]
Յակոբ Եափուճեան, ՀՅԴ Լիբանանի Երիտասարդական Միութեան հիմնադիր Կեդրոնական վարչութեան անդամ եղած է: ՀՅԴ «Աղբալեան» կոմիտէի անդամ եղած է: Լիբանանի քաղաքացիական պատերազմի տարիներուն եղած է ՀՅԴ Լիբանանի Կեդրոնական կոմիտէի անդամ: Ան երկար տարիներ եղած է նաեւ ՀՅԴ Բիւրոյի հաշուապահական-տնտեսական հարցերու խորհրդատու:
Համազգային Հայ Կրթական եւ Մշակութային Միութեան գործունէութիւն[Խմբագրել | Խմբագրել աղբիւրը]
Համազգային Հայ Կրթական եւ Մշակութային Միութեան մէջ Յակոբ Եափուճեան գործունէութիւնը եւս բեղուն եղած է: Համազգայինի հաւատաւոր անդամներէն եղած է` իր ազգային գործունէութեան ամբողջ շրջանին: Յակոբ Եափուճեան Համազգայինի Կեդրոնական վարչութեան անդամ նշանակուած է (նշանակովի շրջանին), մասնակից` Համազգայինի նոր կազմակերպական ձեւի մշակումի աշխատանքներուն, ինչպէս նաեւ մասնակից` բոլոր պատգամաւորական ժողովներուն: Երկու յաջորդական շրջան վարած է Համազգայինի Կեդրոնական վարչութեան ատենապետի պաշտօնը: Ան 3 յաջորդական շրջաններ եղած է Համազգայինի Հիմնադրամներու կառոյցի մարմինի ատենապետ:
Մեծի Տանն Կիլիկիոյ կաթողիկոսութեան եւ Ազգային կեդրոնական վարչութեան անդամական աշխատանքներ[Խմբագրել | Խմբագրել աղբիւրը]
Յակոբ Եափուճեան գործունէութիւնը եղած է նոյնպէս բեղուն: Ան Ազգային կեդրոնական վարչութեան երկար տարիներու անդամ եղած է: Նաեւ` Ազգային կեդրոնական վարչութեան Տնտեսական խորհուրդի անդամ:
Արամ Ա. Կաթողիկոս Յակոբ Եափուճեանը Յետ Մահու Կը Պարգեւատրէ «Ս. Մեսրոպ Մաշտոց» Շքանշանով[Խմբագրել | Խմբագրել աղբիւրը]
Յակոբ Եափուճեան իր ամբողջ կեանքին ընթացքին խորունկ սէր ու երկիւղածութիւն ունեցաւ հայ դպրութեան ու մշակոյթին նկատմամբ, յետ մահու անոր շնորհուեցաւ Մեծի Տանն Կիլիկիոյ կաթողիկոսութեան «Սուրբ Մեսրոպ Մաշտոց» շքանշանը:
Աղբիւրներ[Խմբագրել | Խմբագրել աղբիւրը]
ԿՈՐՈՒՍՏՆԵՐԸ. ԱԶԳԱՅԻՆ-ԿՈՒՍԱԿՑԱԿԱՆ ԳՈՐԾԻՉ ՅԱԿՈԲ ԵԱՓՈՒՃԵԱՆ ԻՐ ՄԱՀԿԱՆԱՑՈՒՆ ԿՆՔԵՑ
ՅԱԿՈԲ ԵԱՓՈՒՃԵԱՆԻ ՅԻՇԱՏԱԿԻՆ
Արամ Ա. Կաթողիկոս Յակոբ Եափուճեանը Յետ Մահու Կը Պարգեւատրէ «Ս. Մեսրոպ Մաշտոց» Շքանշանով
