Fiat Panda III D _cot506cWt e982MGgiki ZzeO5 ti200Xv Xt
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
La Fiat Panda III, presentà al Salon ëd Franchfort dël 2011, a l'é na monovolum cita da sità con sinch portere costruìa da la meison vituristica Fiat. A l'é assemblà an Campania, ant lë stabiliment ëd Pomigliano d'Arco, soasì për salvelo dal sarè. Ës model a l'é sempi e afidàbil, ma për amelioré 'l livel ëd comodità e l'echipagiament e dcò për via che la fòrsa ëd travaj italian-a a l'é pì cara che cola polonèisa ch'a fabricava 'l precedent model, a l'é vnùa men bon pat (ël model vej a costava an compless ël 27% an men). A monta 'd motor a gaseuli Multijet e a benzin-a Multiair e Twinair. Ël Twinair dë sta Panda, con mach 0.9 ëd silindrà, a l'ha fàit ël neuv primà ëd lestëssa Sità dël Cap-Londra guidà daj pilòta Philip Young e Paul Brace ël dì 11 fërvé 2013, e con mach 10 dì, 13 ore e 12 minute a l'ha batù 'l precedent primà dël Land Rover Defender dël 2011. A l'ha doe version alternative: la forastrà, con la trassion antëgral e 'd paracolp pì notèivoj e la furgonòta, sensa ij sedij posterior e con ëd còfo pì spassios. La version antëgral a l'é stàita nominà "VUS dl'ann 2012" dal Top Gear Magazine. La vitura a l'ha nen vagnà sinch stèile EuroNCAP, ma mach quatr, përchè al moment ëd la preuva a montava pa ancor ij sistema anti-sbandament ESP, ch'a son stàit montà mach dal 2012. Ël disegn dla vitura a l'é 'l dësvlup dël concet ëd quadercc (an anglèis "squircle"), visadì la forma geomètrica ch'a- ven fòra da l'union d'un quadrà e d'un sercc. Sta forma a veul unì solidità e vajantisa (quadrà) con amusament e flessibilità (sercc). Ij caràter tìpich dël model a son ij barbis dël front, col blason Fiat, ij tre fnestròt da banda, ij fanaj a l'autëssa dlë fnestròt dë dré e la targa darera sla portera dël baul.
|
| ||||||||||||||||||||||||||||||||||||||||||||||||||||||||||||||
· 
