DubbeglasE%Dso Pvl2Я aqcatGpeAoGgeGgNn Rro Kc Dol v
E Dubbeglas is e Glas wu de Woi odda de Schorle noikummd. Maischdens bassd in e Dubbeglas nhalwe Lidda noi (än ächde Schobbe). In alle annere Regione sin die Woigläsa um änisches klänna.
Inhald
- 1 Form un Ändschdejung
- 2 Heaschdellung
- 3 Wärbedräächa
- 4 Sunsdisches
Form un Ändschdejung[Schaffe | Om Gwelltegschd schaffe]
Die es mehrschd gebrauchde Woigläsa hän - wie tybischawais die Reema - än tulbeförmische Kelch, die Reema hän än schwere Fuß där wu grad es Negadiv vum Kelch bild, die onnan Kelchgläsa sidze uf mea odda weencha hoche Stiele. Es Dubbeglas iss än Kechel midm Grais als Queaschnidd: De Boddm is schwea un grad, eweso die Wänd, un owwe isses waida als wie unne. Es is schwea un diggwandich, so, doßs ned glai kabud gehd, wonnsämol umfalld. Bis dohie glaichdes exagd em ääfache Pälza Schobbeglas. Donn is wer - mär säähd, es wärn die Derkema Mezga gwesd - uf die Idee kumme, mär sold do Dubbe enoischnaide - mid so feddich-nasse Finga konschd so ä Glas ned halde, wonns gladd is, wonnsde Pech hoschd, fludschd där schun aus de Hond, noch eja doßde feschd genuch zug'rife hoschd, färs zu halde.
Heaschdellung[Schaffe | Om Gwelltegschd schaffe]
Solsche mundgeblasne, handgschliffne Gläsa sin nadierlich begehrde Sammlaschdigge un kaum noch zu zahle, un auch aus Preßglas mid ausgschliffne Dubbe sin des saudaia Schdigga, die normale grien die Dubbe glai dorch die Pressform. Awwa aach die konn mär dorch Nooschlaife noch vaedle.
Wärbedräächa[Schaffe | Om Gwelltegschd schaffe]
Nadialich wärn die Dubbegläsa aach mid Werbung bedrugd, voazuchswais mim Nome vunäre Wäddschafd orra äm Woigud orra -feschdl. Un boim Derkema Worschdmaagd gäbds sogaa än "Dubbeglasorde" zu kaafe.
Sunsdisches[Schaffe | Om Gwelltegschd schaffe]
De Oliver Herrmann, Leadsänger vunde Frongedhala Roggbänd GRABOWSKY, und de Willi Brausch, wo frieja aach middebai waa, sin waile als Pälzisch Gsangsduo Dubbeglasbrieder uf de Walz.
Yy 67 Ss 12 N NnJj YypQ0l B исz Qq Vvl ejn