La rosa purpurea del CairoDOofr Gg y Nh
Miranduléś|
C'l artìcul chè 'l è scrit in
Miranduléś |
 The Purple Rose of Cairo
| ||
| La rosa purpurea del Cairo | ||
 La Mia Farrow e Jeff Daniels in na figùra dal film | ||
| La róśa pórpra dal Càiro 1985 | ||
|---|---|---|
| Regia: Woody Allen | ||
| Scritùr: Woody Allen | ||
| Atùr: Mia Farrow • Jeff Daniels • Danny Aiello Dianne Wiest • Irving Metzman • Deborah Rush Juliana Donald • Stephanie Farrow • Van Johnson | ||
| Müsica: George Gershwin | ||
| Lengua: Ingléś | ||
| Dürä dal film: 84 minüt | ||
| Nasiòṅ: Stat Unî | ||
La rosa purpurea del Cairo (La róśa pórpra dal Càiro) l'è na cumèdia americàna dal 1985 ad Woody Allen. L'è stada preśentàda a 'l 38śum Fèstival ad Cannes fóra cuncōrs e l'è stada candidàda a vìnsar al Prèmi Òscar par la senegiadùra uriginàla.
Al film 'l à fat sù da piò ad déś migliòṅ ad dòlar in di Stat Unî ma al 'n è custâ quìndas.
Sunt
La Cecilia (Mia Farrow) l'è na camaréra spuśàda malvluntéra cun Monk (Danny Aiello), 'n óm bòṅdagnìnt e anc viulént ch'al pénsa sōl a i bèsi. La pasa acsè 'l sò tèmp lìb'r a 'l cìnema a véd'r i film 'd Hollywood ch'i gh piàśan dimóndi, specialmènt la pelìcula “La rosa purpurea del Cairo” in dua a gh'è 'l persunàǵ di sò sógn, Tom Baxter (Jeff Daniels). Un dè chi lò al fà a mènt che la Cecilia la gh'è sèmpar fra i spetadōr. Dòp avér-ag dit «'D un Dio, al gh'à da piaśēr-at dimóndi cal film chè!» al salta fóra da 'l schérum grand dal cìnema e al và da lē śibénd-ag 'd andàr via insém. Gl'àtar persunàǵ dal film i gh armàgnan mâł e i n sànan mia cuma 'ndàr avànti. Tut al còpi dla pelìcula in distribusiòṅ i patìsan la stésa sòrt e la cà ch'l'à fat al film la s la véd bruta ma a la Cecilia a n gh in férga gnint parchè finalmènt l'à catâ 'l amōr ch'la pascàva.
In cal méntar 'l atōr ch'al fava Tom in dal film, Gil (Jeff Daniels), al s dà da far par métar tut a pòst o sinò la sò caréra la prév andàr a gambi a l'élta.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
