Marica Andallón614 ulealon
| Marica Andallón | |
|---|---|
| Vida | |
| Nacimientu | Uviéu, 8 de xineru de 1764 |
| Nacionalidá |
 España |
| Fallecimientu |
2 de xineru de 1848 (83 años) |
| Estudios | |
| Llingües | castellanu |
| Oficiu | |
 | |
María Xosefa Francisca González y Suárez, más conocida como Marica Andallón (8 de xineru de 1764, Uviéu - 2 de xineru de 1848), foi una heroína de la Guerra d'Independencia Española.
María naz n'Uviéu n'una familia proveniente d'Andallón, conceyu de Les Regueres, d'ende'l so seudónimu. A curtia edá queda güérfana, empezando a trabayar más tarde como criada.
El 9 de mayu de 1808, una vegada conocíos los acontecimientos del llevantamientu del dos de mayu en Madrid, xuntu con Joaquina Bobela y un grupu de partidarios torga al secretariu del xeneral francés Murat la publicación d'un bandu.
El 25 de mayu de 1808 toma parte nel llevantamientu en que los sos preparativos ayudó.
Mientres la guerra d'independencia participa na fundación d'un cuerpu sanitariu qu'aida a los contendentes mancaos de dambos bandos, llogrando productos sanitarios, treslladándolos a los hospitales de campaña de Santa Clara y San Francisco.
El 19 de xunu de 1808, les tropes populares d'Uviéu xuníes a les del reximientu de Castropol detienen a Meléndez Valdés, La Llave, Ladrón de Guevara y Fitz-Gerald para axusticialos sumariamente por francesaos. María, al enterase, informa al cabildru d'Uviéu entamando una procesión encabezada pola Cruz de la Victoria para salvar la vida de los presos, fechu que finalmente llogra.
Fernandu VII, tres una recepción real, concediólu una pensión vitalicia polos sos méritos na guerra.
| Control d'autoridaes |
|
|---|
Datos:
Datos: Q5998088
