Namibii34 тьdiGgg HQqt 89x YCc hedIi
Flag
|
Valdkundznam
|
| Pälidn | Vindhuk |
| Eläjiden lugu (2017) | 2 484 780[1] ristitud |
| Pind | 824 292 km² |
| |
| Kel' | anglijan |
| Valdkundan pämez' | Hage Geingob |
| Päministr | Saara Kuugongel'va |
| Religii | hristanuskond |
| Valüt | namibijan dollar (NAD) |
| Internet-domen | .na |
| Telefonkod | +264 |
| Aigvö | tal'vel UTC+1 kezal UTC+2 |
Namibii, oficialižikš Namibijan Tazovaldkund (angl.: Republic of Namibia), om valdkund Suviafrikas. Edel 1968 vot Suvipäivlaskmaine Afrik oli Namibijan sijas. Valdkundan pälidn da kaikiš suremb lidn om Vindhuk.
Südäiolend
- 1 Istorii
- 2 Geografijan andmused
- 3 Tobmuz
- 4 Administrativiž-territorialine jagand
- 5 Eläjad
- 6 Ižanduz
- 7 Homaičendad
- 8 Irdkosketused
Istorii[redaktiruida | redaktiruida purde]
Vn 1990 21. päiväl keväz'kud Namibii sai ripmatomut Suviafrikan Tazovaldkundaspäi.
Geografijan andmused[redaktiruida | redaktiruida purde]
Namibii om mavaldkundröunoiš Angolan (röunan piduz — 1427 km) da Zambijanke (244 km) pohjoižes, Botsvananke päivnouzmas (1544 km), Suviafrikan Tazovaldkundanke suvipäivnouzmas da suves (1005 km). Zimbabven röunan čokkoimhesai (Zambijan da Botsvanan röunadme) om vaiše 200 metrad. Ühthine röunoiden piduz om 4220 km. Man päivlaskmaižed randad lainištab Atlantine valdmeri. Randanpird om 1572 kilometrad.
Namibijan man keskuses om mägitazangišt. Sen da valdkundan kaikiš korktemb čokkoim om Brandberg (Königštain)-mägi, 2606 m meren pindan päl. Namib-rahvahatoi ma levigandeb keskuzplaton päivlaskmha, Kalahari-rahvahatoi ma levineb keskuzplaton päivnouzmha. Znamasižed joged oma Ruskedpakuine- (SAT:an röun) da Okavango (agjahižes pohjoižpäivnouzmas). Voden tobjas palas äjid toižid jogid ei ole, vaiše ojandehed oma olmas, ozutesikš, järed Fiš River-jogi, kudambas vezivaradim om. Ned täuttas vihmoiden voz'aigan, se oleleb lujaks, no harvoin, sikš miše vilu Bengel'-merijoksmuz ei anda sadegile sättas.
Namibijan tobmas palas om räkän polhe da kuivan. Valdkundan pohjoižpäivnouzmas om savannan londuseline zon, a läz man pohjošt röunad om džunglid.
Londuseližed pävarad oma uran da diamantad; äi varoid jädas koskmatomil: vas'k, kuld, hobed, tin, hahktin, cink, vol'fram da londuseline gaz.
Tobmuz[redaktiruida | redaktiruida purde]
Namibii om unitarine konstitucine prezidentine tazovaldkund. Valdkundan pämez' om prezident, rahvaz valičeb händast. Hän-žo om ohjastusen pämez, Namibijan konstitucijan mödhe[2]. Prezidentan valdatusiden strok om viž vot, hänel om oiktuz valičemhas tošti.
Parlament om kaks'kodine. Üläkodi om Nacionaline Nevondkund (angl.: National Council), mülüb 26 ühtnijad (valitas heid agjoiden suimil 6 vodeks). Alakodi, Nacionaline Suim (angl.: National Assembly), mülüb 72 deputatad (kaik rahvaz valičeb heid 5 vodeks).
Parlamentan alakodin ühtnijoiden i prezidentan järgenduseližed valičendad oliba vn 2014 28. päiväl kül'mkud. Hage Geingob sai vägestust (86,73%). Hän om Namibijan 3. prezident i tuli radho vn 2015 21. päiväl keväz'kud, ende radoi valdkundan päministran (1990−2002 i 2012−2015).
Administrativiž-territorialine jagand[redaktiruida | redaktiruida purde]
Kacu kirjutuz: Namibijan administrativiž-territorialine jagand.
Administrativiž-territorialižikš Namibii jagase 14 agjaha (angl.: region). Agjad alajagasoiš 107 valičemižümbrikho (angl.: constituencies).
Eläjad[redaktiruida | redaktiruida purde]
Namibijas elädas namibijalaižed. Vn 2011 Namibijan rahvahanlugemižen mödhe eläjiden lugu oli 2 113 077 ristitud. Kaikiš suremb ristitišt om nügüd'.
Toižed järedad lidnad (enamba 30 tuh. ristituid vn 2011 rahvahanlugemižen mödhe[3], surembaspäi penembha): Rundu, Uolfiš Bei, Svakopmund, Ošakati. Kaik om läz 40 lidnad (eländpunktad lidnannevondkundanke).
Ižanduz[redaktiruida | redaktiruida purde]
Namibijan päeksport om metallad (50%: radioaktivižed metallad 16%, cink da sen ühthesuladused 14%, uran da torii 13%, vas'k da sen ühthesuladused 7%), kala (17%), diamantad (14%); toine eksport — vinmarj da izüm (3%), lehmänliha (3%), olud.
Homaičendad[redaktiruida | redaktiruida purde]
- ↑ Namibijan pind // Mail'man faktoiden kirj. — Cia.gov. (angl.)
- ↑ Namibijan Konstitucii. — Eisa.org.za. (angl.)
- ↑ Namibii: kaikiš surembad lidnad da statistik niiden ristitišton polhe. (2011-05-26). — World-gazetteer.com. (angl.)
Irdkosketused[redaktiruida | redaktiruida purde]
- Namibijan Tazovaldkundan ohjastusen oficialine portal (grnnet.gov.na). (angl.)
- Namibijan statistine agentuz (nsa.org.na). (angl.)
- Namibijan atlas Vikiaitas. (angl.)
 |
Namibii Vikiaitas |
| Afrikan valdkundad | ||
 | ||
|
1 Om Azijas mugažo. |
