Hunta di ManehoPR
E Hunta di Maneho òf Gerensia (Hulandes: Raad van Bestuur Ingles: Board òf Directors) ta e órgano ku ta manehá un kompania òf un instituto. E gerensia ta enkargá ku e maneho diario di e kompania i tin ku duna kuenta i rason na e Hunta di Komisario òf na e Akshonistanan direktamente. E Hunta di Maneho por ta konsistí di un òf mas persona ku ta wòrdu skohé pa e Akshonistanan huntu ku e komisarionan.
E responsabilidat final di lokual ta sosodé den e kompania ta kai riba e gerensia. E gerente ta esun ku tin ku sali pa e kompania; tin ku duna kara. Normalmente ora ta trata di un sosiedat anónimo e gerente no por wòrdu pone personalmente responsabel; esaki ta bira e kaso ora ta trata di mal maneho i no kumplimentu ku normanan di bon gobernashon.
E tareanan típiko di un gerensia ta entre otro:[editá | editá fuente]
- Manehá e kompania dor di tomo di desishon;
- Kumpli ku e vishon i e metanan di e kompania;
- Selektá, apuntá, duna soporte i revisá e trabou di e supalternonan;
- Aprobá i kumpli ku e presupuesto anual.
E funshon nan den un Hunta di Maneho por ta entre otro:[editá | editá fuente]
- Presidente di e Hunta
- Direktor Ehekutivo
- Direktor Finansiero
- Direktor Operashonal
- Direktor Tékniko
- Direktor Komersial
- Direktor General
- Sekretario Ehekutivo
Linknan eksterno[editá | editá fuente]
- Sitio ku ta trata normanan di bon gobernashon pa Hunta di Maneho
- Portal di mangasina speshal pa Gerensia
- Wèpsait di Instituto pa Hunta di Maneho
- Asosashon nashonal di Direktornan
